Hargeysa(HWN)-Madexweynaha Somaliland Axmed Maxamed Maxamuud(Siilaanyo), ayaa manta ka qeyb galey Munaasibad balaadhan oo ay ku qalin jabiyeen in ka badan boqol Ardey Jaamacada Timacade Universty ee Magaalada Gabiley, dufcadii u horeysay ee dhameysta Waxbrashada Culuunta kala duwan ee Jaamacada.
Munaasibadan oo si heer sare ah loo soo Agaasimay ee uu kasoo qeyb galey Madexweynaha Somaliland waxa ku wehelinayay oo kala soo qeyb galey Marwada Madexweynaha Aamina Xaaji Maxmuud Jirde, Wasiirka Wasaarada Waxbarashada Samsam Cabdi Aadan, Wasiiro kale oo tira badan oo ay kamid yihiin Wasiirka Ganacsiga iyo Maalgashiga Caalamiga ah Dr Maxamed C/laahi Cumar, Wasiirada Arimaha Gudaha, Maaliyada Warshadaha, Beeraha, Agaasimaha Guud ee Wasaarada Ganacsiga, Gudoomiyaha Xafiiska Imtaxaanaadka, Guidoomiyayaasha Jaamacadaha Camuud-Universty Hargeysa-Universty, Salaadiin Masuuliyiinta ka Socdey Shirkadaha Dahabshiil, Telesom, Somtel,Maaulka Sare ee Dalada Dhalinyarada Somaliland Sonyo, Salaadiin, culumaa,udiin, madaxdhaqameedka, Maamulka heerGobol heer degmo Gobolka Gabiley, Waal;idiinta iyo Ardeyda Qalin jabisey iyo Marti Sharaf kale.
Munaasibadan Qalin jabinta oo lagu qabtey hoolka Jaamacada Timacade ee Gabiley, waxa ugu horeyn hadal kooban ka jeediyay Madexweynaha Somaliland Axmed Maxamed Maxamuud (Siilaanyo), oo sheegay in ay ka Xukuumad ahaan wax ka qaban doonaan isagoo guud marey in uu ku faraxsan in uu kala soo qeyb galo dufcadii u horeysay ee Jaamacada Timacade ee Gabiley ka qalin jabisa, waxaanu Madexweynuhu si kooban uga hadley in baahiyaadka wax laga qabtaa in ay kamid tahey Waxyaabaha loo doortey ee Xilka loogu igmadey, waxaanu hadalkiisa ku khatimey Madexweynuhu dhambaal hambalyo ah oo uu gudbiyay dhamaanba Ardeyda ka qalin jabisey Jaamacada Timacade ee boqol iyo dheeraadka ahaana Waxaanu gudoonsiiyay Shahaadooyin Ardeydii ugu sareysay qeybaha cukuunta Waxbarashada Jaamacada, gaar ahaan Xildhibaan Aamiin Cumar Cabdi oo katirsan Golaha Deegaanka Gabiley, iyo Axmed Geedi oo in badan ahaa Gudoomiyihii Ardeyda Jaamacada Timacade.
Waxa kale oo iyaduna, halkaa hadal ka jeedisey Wasiirka Wasaarada Waxbarashada Somaliland Samsam Cabdi Aadan oo sheegtey, in Munaasibadu ku sahabsan tahey farxad lala qeybsanayo Ardeyda qalin jabineysa haseyeeshee, aan looga baahneyn Siyaasad ioyo in cid lagu weeraro hadalkaas oo ay Wasiirka Waxbarashadu Marwo Samsam ugu duur xuleysay Waiisrka Arimaha Gudaha Somaliland Cali Warancade iyo Wasiirka Warshadaha Abiib Diiriye oo labaduba kaga hadley Arimo Siyaasadeed.
Waxa kale oo isaguna halkaasi hadal tafdheer ka jeediyay Gudoomiyaha Jaamacada Timacade Universty Cusmaan Aw Yuusuf Magan, oo ka waramey aasaaskii Jaamacada iyo maraaxilkii kala duwanaa ee ay soo martey islamarkaana si gaar ah u xusey dhmaanba dadkii gacanta weyn ka geystey dhismaheeda isagoo sigaar ah u xusey Sheekh Aadan Maxamuud Xiirey(Sh Aadan-Siiro), Mulkiilaha Somcaple, Maxamed Aw Siciid Geedi, Xukuumada Jabuuti qaar kamid ah Ganacastada Somaliland iyo Shirkadaha Isgaadhsiinta Somaliland Telesom iyo Somtel, iyo guud ahaanba haldoorkii iyo mudantii ka qeyb qaatey dhismaha Jaamacada Gabiley ee Timacade.
Waxa kale oo halkaasi ka hadley Suldaan Ibraahim Jaamac Samater oo isgauna kamid ah boodhka Jaamacada Waxaanu suldaanku sigaar ah uga waramey baahiyaadka iyo duruufaha kajira Jaamacada ee ay duqey ahaan uga baahan yihiin in Madexweynaha Somaliland wax kala qabto, waxaanu Madexweynaha farta ugu fiiqey in wufuuda dalka soo gaadha ee dalalka Dunida mudooyinkan dambe la geeyo dhinaca Gobolada Barri balse aan Galbeedka la keenin loona baahan yahey dalka lawada gaadhsiiyo ka Xukuumad ahaan.
Waxa kale, oo Isgauna halkaasi hadal dheer ka jeediyay Gudoomiyaha Jaamacada Camuud Pro. Saleebaan Axmed Guuleed oo ka waramey faa,iidada ay jaamacaduhu u leeyihiin dalka kuna tilmaamey Warshad dadka lagu soo saaro oo waxtar u leh aqoonta iyo dhismaha dalka Waxaanu faafahin ka bixiyay Saleebaan waayaha Qurbaha iyo sida aanay wakhtigan dambe waxba dunida u oolin dalkuna u yahey lama huraanka, waxaanu Gudoomiyaha Jaamacada Camuud Pro. Saleebaan Axmed Guuleed ku dardaarey Ardeyda qalin jabisey in ay ku xidhnaadaan illaahooda.
Waxa kale oo iyaguna halkaasi ka hadley Maamulka Degmada Gabiley ee heer Degmo iyo heer Gobol iyadoo Maayarka Gabiley balanqaadey in uu qorshaha ku darsadey in taakulada Jaamacada ay kordhin doonaan ka D/hoose ahaan, Sidoo kale waxa iyaguna halkaasi hadal ka jeediyay Qaar kamid ah Ardeyda Qalin jabisey oo ay kamid yihiin Xasan Raage Faahiye oo ka dardaarey dhalinyarada tahriibta, Xildhibaan Amiin Cumar Cabdi, iyo Caaqil Maxamed Cabdi Qowdhan oo isaguna Madexweyne Siilaanyo ugu duur xuley in Timaha jidhka bani aadamka kuyaala qaarna si cad loo xiiro qaarna qarsoodi islamarkaana ay arimha Gobolka gaar ugala hadli doonaan.
Gabagabadii Munaasibadan qalin jabinta Jaamacada Timacade ee Gabiley dufcadii u horeysay, ee ka qalin jabineysa uu Madexweynuhu ku gudoonsiiyay Shaadooyinka boqol iyo sadex Ardey ayaa ku dhamaatey jawi aad u wanaagsan, Waxaana Shahaadooyin la gudoonsiiyay Dhinacyada gacanta ka geystey oo Madexweynuhu shahaado sharaf Jamacadu ugu talo gashey ku gudoonsiiyay iyadoo ay sigaar ah uga qeyb qaateen Shirkadaha Dahabshiil, Telesom iyo Somtel oo iyaguna ka qeyb galey Munaasibada qalin jabinta.
Wariye Cabdiraxmaan Nuux Axmed(hiiraan)
hadhwanaagnews Email:hiiraan2007@gmail.com
